ANIZTASUNETIK NARRATIBA
KULTURAL ETA SOZIALAK
SAREGINTZEN

“HARIARI TIRAKA” TXOSTENA JEITSI

Deserrotuak II ezagutu

Sareginak Laborategiaren ikaskuntzak eta proposamenak

Artearen bitartez emakume errefuxiatu, migratzaile eta arrazializatuak ahalduntzea, elkarguneko narratiba feminista berriak eta kultura aniztasuna gizarte eraldaketa gisa sustatuz.

[ PROIEKTUA ]

Sareginak Zehar-Errefuxiatuekin elkarteak bultzatutako proposamen kultural eta soziala da, arte-sorkuntzaren bidez, emakume errefuxiatu, migratzaile eta arrazializatuak ahalduntzea eta haiei ikusgarritasuna ematea du xede.

[ HELBURUAK ]

Istorio eta esperientzia anitzei ikusgarritasuna ematea: Kulturguneetan emakume migratzaile eta errefuxiatuen ordezkaritza aktiboa sustatzea.

Kulturarteko elkarrizketa sustatzea: Artearen bitartez zenbait komunitaterentzako topaguneak sortzea.

Artearen bitartez eragin soziala sortzea: Sentsibilizaziorako eta eragiteko tresna gisa erabili daitezkeen piezak garatzea.

[ LABORATEGIAK ETA NARRATIBAK]

Proiektu honek diziplina gakoetako hiru laborategi barne hartzen ditu: argazkigintza, poesia eszenikoa eta antzerkigintza. Parte-hartzaileek haien narratiba autobiografikoak garatzen dituzte eta, elkarguneko ikuspuntu feminista eta deskolonizatzailetik, narratiba berriak eraikitzearen inguruan hausnartzen dute.

[ ERALDAKETA ]

Emakume horien parte-hartze soziopolitiko eta kulturala mugatzeko, ikusgaitz bihurtu ohi dituzte eta estereotipoak jasaten dituzte, eta, hain zuzen ere, horri erantzuna emateko jaio da Sareginak. Artearen bidez, proiektuak harremanerako, lankidetzarako eta adierazpenerako espazioa sortu du, eta, aldi berean, indarkeria sinbolikoen konponketa eta kultura-aniztasuna gizarte eraldaketarako motore gisa sustatzen ditu.

LABpoesía

Entretejidas/Sareginak proiektuaren Poesia Laborategia poesia eszenikoaren bidez emakume errefuxiatu eta migratzaileen bortxazko desplazamendu esperientziak ikusarazteko sorgunea da. Tfarrah Mohamed Yesslem eta Jara Calvoren gidaritzapean, laborategiak hitzaren boterea darabil erresistentzia, konponketa eta duintasun istorioak kontatzeko. Ikuspuntu poetikotik abiatuta, parte-hartzaileek haien bizipenen konplexutasunak arakatzen dituzte, haien indarra eta erresilientzia nabarmentzen dituzten narratibak ehunduz. Espazioak lekualdatutako emakumeen ahotsek adierazpen-gunea aurkitzea ahalbidetu ez ezik, migrazio eta egokitzapen prozesuak bizi dituztenen errealitateen inguruko hausnarketa sakona ere sustatzen du.

Jara Calvo

Kazetaria eta Cabinet Komunikazioko kidea (Iruñea). Literatura arloan, Baile del Sol argitaletxearekin A cero grados (2012) eta Los cuerpos delante (2022) poema-liburuak argitaratu ditu.

Interprete eta egile gisa, Rove Rivera musikariarekin batera, LAMALAMAR poesia eszeniko eta soinu-paisaia taldeko kide da. Proiektu horrekin Calor (2023) krisi klimatikoaren inguruko disko-liburua editatu du, eta horren baitan Berta Cáceresen figura eta ondarearen omenezko Berta kanta dago.

Begirada kritikoak bere sorkuntza-lana ezaugarritzen du eta komunitatearen garrantziak edo bizitza duin eta betearen grinak zeharkatzen dute.

Tfarrah Mohamed Yesslem

Idazle eta ikertzaile autonomoa.

«1991ko abenduaren 15an hankak aurretik heldu nintzen mundura saharar errefuxiatu-kanpamenduetan, Tindufen. Bake-prozesu betean jaio nintzen, baina babesa, erbestea, bortxazko desplazamenduak eta aberrigabe izatea baino ez ditut ezagutu. Ama askoren alaba.

Ez dut maitasun eta jakintzen instituzionalizazioan sinesten, haiek beti sukaldean dauzkat, lagunekin modu osasuntsuan prestatzen.

Galdera irekia naiz, izatearen etengabeko bilakaeran definitzeke dagoena. Dialektika eta kontraesan hutsa. Nire herriaren eta nire oroimen historiko propioa konpontzeko ariketa gisa idazten dut».

LABargazkia

Laborategi hau Lorna Biermann López argazkilarirekin saretuz diseinatu dugu. Jatorriz Kolonbiako argazkilariak begirada kritiko feminista eta deskolonizatzailea du eta diskriminazioa jasan duten komunitateekin lanean eskarmentua du. Argazkilaritza Laborategiak migrazioaren inguruko bizipenak dituzten eta kultura arloetan lan egin duten emakume-talde
anitzak parte hartzea bultzatuko du. Argazkilaritzaren bidez, 30 argazkiko bilduma sortuko dute, beraien eta besteren begiradatik kontakizunak jorratzeko eta publikoak parte-hartzaileen hautemateak ezagutzea ahalbidetzeko.

Lorna Biermann López

Komunikatzailea. Diseinatzailea, argazkilaria eta formakuntza akademikoa duen artista. Alharaca Radio Feministako sortzaileetako bat eta editorea. Kolonbian dauka jatorria, begirada kritiko feminista eta deskolonizatzailea du, eta diskriminazioa pairatu duten
komunitateekin lanean eskarmentua du.

Arestiko ezagutzen artean, Kolonbiako gatazka armatuko errefuxiatuekin prozesu parte-hartzailea bideratu du eta hori Comisión de la Verdaden lan-eremuko Reconóceme. Kolonbia erbesteratua Euskadin erakusketaren abiapuntua izan da.

Sara Elisabet Gimeno Martínez

Kultura kudeatzailea eta freelance argazkilaria Euskadin. Euskal Herriko Unibertsitatean Arteko Gradua eta Kultura Kudeaketan Masterra egin ditu, eta arte-munduan bere esperientzia ikuspuntu eta adierazpen berrien etengabeko esplorazioa izan da. Azken bi urteetan, argazkilaritza dokumentalean gehiago sakondu du eta gaur egungo bidegabekeria soziopolitikoak aldarrikatzeko tresna bikaina aurkitu du bertan.

Argazkilaritzarekiko pasioa eta kultura kudeaketa uztartzen ditu, bigarren horretan denbora gehiago eman du, batez ere Asociación Cultural Abya Yalaren eskutik, kultura-jarduerako antolakuntza eta kudeaketa taldeko kide gisa lanean.

LABantzerkia

Entretejidas/Sareginaken Umore Antzerkintza Laborategiak kulturarteko elkarbizitzan agertzen diren estereotipoei ikusgarritasuna ematea eta horien inguruan sentsibilizazioa sortzea bilatzen du. Umorea harrera-gizarteen pribilegioak deseraikitzeko palanka gisa darabil, hala, gizarte antirrazistak eraikitzeko gure arduran begirada berriz ere jartzea ez ezik, kulturarteko esperientziak uztartzearen giza-aberastasunean ere begirada jartzea lortzen du.

Getari Etxegarai

Euskal telebistako serietan hasi zen eta, denbora gutxian, antzerkigintzan profesionalki murgildu zen Euskadin jardunbide egonkorrena duten konpainietako birekin, Vaivén producciones eta Tanttaka teatroarekin.

19 urte zituela Euskal Aktoreen Batasunaren eskutik errebelazio saria jaso zuen eta ordutik etengabe aritu da lanean.

Zuzendu dituen zenbait lanekin aitorpenak jaso ditu, hala nola Donostia Saria 2018an eta Azpeitiko jaialdiko ekitaldirik onena 2022an. Interprete gisa, honakoentzat egin du lan: Pabellón 6, Orquesta de señoritas, Buñuel, Tartean, Simplicesimus cabaret etab. Ikus-entzunezkoetan Los Serranon, Goenkalen, Maixabelen, Intimidaden… aritu da. Horrez gain, ekitaldiak zuzendu ditu, bakarrizketari aritu da eta askoz gehiago.

Tanya de la Cruz

Ingalaterran, Kolonbian, AEBn eta Espainian formakuntza jaso du, zineman (La Media Pena, Sukalde Kontuak, Killing Time…) eta telebistan (Altsasu, Goenkale…) eskarmentu handia du, besteak beste, Jose Mari Goenaga, Aizpea Goenaga eta Asier Urbietaren zuzendaritzapean. Horrez gain, antzerkian ere rol nagusiak izan ditu, Como Agua para Chocolate, No me hagas daño edo Roman y Julietan.

Kultura ekintza artistikoen bidez, gizarte sentsibilizazio eta eragin politikoko kanpainetan parte hartu du.

Gizartean zuen interesak UPV/EHUn Zuzenbideko Gradua ikastera bultzatu zuen, gainera, bertan Justizia Sozialaren aldeko Klinika Juridikoan parte hartu zuen. Giza Eskubideak, Globalizazioa eta Demokrazian espezializatu zen eta bere MALarekin, «La intersexualidad en el cine y su impacto social» lanarekin, promozioko MAL onenaren saria irabazi zuen.

Galeria

“HARIARI TIRAKA” TXOSTENA JEITSI

Sareginak Laborategiaren ikaskuntzak eta proposamenak

Diruz laguntzen dute

KONTAKTUA

SARE SOZIALAK

Zeharren sare sozialen bidez Sareginak eta beste proiektuen berrien inguruko informazio guztia ikus dezakezu.
Laborategiak